വിവിധ രാജ്യങ്ങളില് കോവിഡ് രൂക്ഷമാകുന്ന സാഹചര്യത്തില് സ്റ്റേറ്റ് കോവിഡ് മോണിറ്ററിങ് സെല്ലിന്റെ പ്രവര്ത്തനം പുന:രാരംഭിച്ചു. ആശുപത്രി ഉപയോഗം, രോഗനിര്ണയ നിരക്ക്, മരണനിരക്ക് എന്നിവ നിരീക്ഷിക്കുകയും അവബോധം ശക്തിപ്പെടുത്തുകയുമാണ് ഇതിന്റെ പ്രധാന ലക്ഷ്യം. കോവിഡ് കേസുകളുടെ വര്ധനവിന്റെ നിരക്കനുസരിച്ച് പ്രവര്ത്തനങ്ങള് വിപുലപ്പെടുത്തും. വിമാനത്താവളങ്ങളിലും സീപോര്ട്ടിലും നിരീക്ഷണം ശക്തമാക്കും. പുതിയ വകഭേദങ്ങളെ നിരീക്ഷിക്കാനായി ജനിതക ശ്രേണീകരണം കൂടുതല് ശക്തിപ്പെടുത്തും. എയര്പോര്ട്ടുകളിലും സീപോര്ട്ടിലും ആര്ക്കെങ്കിലും കോവിഡ് പോസിറ്റീവായാല് ആ സാമ്പിളുകള് ജനിതക ശ്രേണീകരണത്തിന് അയയ്ക്കും.പൊതുയിടങ്ങളിലും പൊതുഗതാഗതം ഉപയോഗിക്കുമ്പോഴും മാസ്ക് ധരിക്കണം. കോവിഡ് പ്രോട്ടോകോള് എല്ലാവരും പാലിക്കുന്നുണ്ടെന്ന് ഉറപ്പാക്കണം.
അവസാനമായി അപ്ഡേറ്റ് ചെയ്തത് :24-12-2022
