ആദിവാസി സമൂഹങ്ങളുടെ തനത് സാംസ്കാരിക പൈതൃകവും പരമ്പരാഗത വിജ്ഞാന സമ്പത്തും സംരക്ഷിക്കുകയും, അവയെ ആധുനിക വിദ്യാഭ്യാസം, ഗവേഷണം, നവീകരണം, സാമൂഹിക-സാമ്പത്തിക വികസനം എന്നിവയുമായി സമന്വയിപ്പിക്കുകയും ചെയ്യുക എന്ന ലക്ഷ്യത്തോടെ "വയനാട് ട്രൈബൽ സർവകലാശാലയും തദ്ദേശീയ വിജ്ഞാന മേഖലയും" (Wayanad Tribal University and Indigenous Knowledge Zone) സ്ഥാപിക്കാൻ സംസ്ഥാന സർക്കാർ തീരുമാനിച്ചു. ആദിവാസി സമൂഹങ്ങളുടെ സമഗ്ര വികസനത്തിനും വിജ്ഞാനാധിഷ്ഠിത ശാക്തീകരണത്തിനും വഴിയൊരുക്കുന്ന ദീർഘവീക്ഷണമുള്ള സംരംഭമാണിത്.
കൂടുതൽ വിവരങ്ങൾ
കേരളത്തെ ആഗോള നിലവാരത്തിലുള്ള ഉന്നതവിദ്യാഭ്യാസത്തിന്റെയും ഗവേഷണത്തിന്റെയും നവീകരണത്തിന്റെയും കേന്ദ്രമായി ഉയർത്തുകയെന്ന ലക്ഷ്യത്തോടെ സംസ്ഥാന സർക്കാർ കേരള നോളജ് വാലി (Kerala Knowledge Valley) സ്ഥാപിക്കുന്നു. ലോകോത്തര സർവകലാശാലകൾ, അത്യാധുനിക ഗവേഷണ കേന്ദ്രങ്ങൾ, മികവിന്റെ കേന്ദ്രങ്ങൾ (Centres of Excellence), വ്യവസായ-അക്കാദമിക് സഹകരണ സംവിധാനങ്ങൾ എന്നിവയെ ഒരൊറ്റ വിജ്ഞാന ആവാസവ്യവസ്ഥയിൽ ഏകോപിപ്പിക്കുന്ന സമഗ്ര പദ്ധതിയായിരിക്കും ഇത്.
കൂടുതൽ വിവരങ്ങൾ
കേരളത്തിന്റെ വികസന ചരിത്രത്തിൽ പുതിയ അധ്യായം കുറിക്കുന്ന മഹത്തായ പദ്ധതിയാണ് മിഷൻ സമുദ്ര. സമുദ്രാധിഷ്ഠിത സമ്പദ്വ്യവസ്ഥയുടെ അനന്തസാധ്യതകൾ പ്രയോജനപ്പെടുത്തി കേരളത്തെ ആഗോള മാരിടൈം-ലോജിസ്റ്റിക്സ് ഭൂപടത്തിലെ പ്രധാന കേന്ദ്രമാക്കി ഉയർത്തുക എന്നതാണ് ഈ പദ്ധതിയുടെ ലക്ഷ്യം.
കൂടുതൽ വിവരങ്ങൾ
സാമൂഹ്യ വികസനത്തിൽ ലോകശ്രദ്ധയാകർഷിച്ച കേരളം, 2025 നവംബർ ഒന്നിന് , അതിദാരിദ്ര്യമുക്തമായ ഇന്ത്യയിലെ ആദ്യ സംസ്ഥാനമായി പ്രഖ്യാപിക്കപ്പെടുകയാണ്. 64,006 കുടുംബങ്ങളെ അതിദാരിദ്ര മുക്തമാക്കി, സമത്വം, നീതി, സാമൂഹിക ഉൾക്കൊള്ളൽ എന്നിവ ഉറപ്പാക്കുന്ന നവകേരളത്തിന്റെ പുതിയ അധ്യായത്തിന് ഇതോടെ തുടക്കം കുറിക്കുന്നു. അതിദാരിദ്ര്യം ഇല്ലാതാക്കാനുള്ള അതിവേഗ ദൗത്യങ്ങളോടെ മുന്നേറിയ കേരളം ഭക്ഷണം, വാസസ്ഥലം, വരുമാനം, ആരോഗ്യം എന്നീ അടിസ്ഥാന അവകാശങ്ങൾ ഉറപ്പാക്കി മനുഷ്യകേന്ദ്രിതവും സമത്വാധിഷ്ഠിതവുമായ സാമൂഹിക മാതൃകയായി രാജ്യത്തിന് മുന്നിൽ ഉയർന്നു നിൽക്കും. കൂട്ടായ പ്രവർത്തനത്തിലൂടെ അതിദാരിദ്ര്യത്തെ അതിജീവിക്കുകയാണ് നാം!
കേരള സർക്കാരിന്റെ ഔദ്യോഗിക വെബ് പോർട്ടലാണിത്. കേരള സംസ്ഥാന ഐടി മിഷന്റെ ഉടമസ്ഥതയിലുള്ള പോർട്ടലിന്റെ രൂപകൽപ്പന നിർവ്വഹിച്ചിരിയ്ക്കുന്നത് സി-ഡിറ്റും ഉള്ളടക്കം കൈകാര്യം ചെയ്തിരിയ്ക്കുന്നത് വിവര പൊതുജന സമ്പർക്ക വകുപ്പുമാണ്. കോപ്പിറൈറ്റ് @ കേരള സർക്കാർ.