സർക്കാർ വെബ്സൈറ്റുകൾ
ശ്രീ രാജേന്ദ്ര വിശ്വനാഥ് അർലേകർ കേരളത്തിൻ്റെ 23-ാമത് ഗവർണറായി 2025 ജനുവരി 2 ന് സത്യപ്രതിജ്ഞ ചെയ്തു. 1954 ഏപ്രിൽ 23 ന് ഗോവയിലെ പനാജിയിൽ ജനനം. പരേതനായ ശ്രീ വിശ്വനാഥ് അർലേകർ പരേതയായ ശ്രീമതി. തിലോമത്തമ അർലേകർ എന്നിവരാണ് മാതാപിതാക്കൾ. ഗോവയിലെ വാസ്കോഡ ഗാമയിലുള്ള സെൻ്റ് ജോസഫ് ഇൻസ്റ്റിറ്റ്യൂട്ടിൽ മെട്രിക്കുലേഷൻ പൂർത്തിയാക്കി, വാസ്കോഡ ഗാമയിലെ എംഇഎസ് കോളേജിൽ കൊമേഴ്സിൽ ബിരുദം നേടി. ഗോവ നിയമസഭാംഗമായി 2002-2007 കാലയളവിൽ പ്രവർത്തിച്ചു. 2012 മുതൽ 2017 വരെ, ഗോവ നിയമസഭയുടെ സ്പീക്കർ ആയിരുന്നു. കടലാസ് രഹിത സമ്പ്രദായം സ്വീകരിക്കുന്ന ഇന്ത്യയിലെ ആദ്യത്തെ അസംബ്ലിയാക്കി ഗോവയെ രൂപാന്തരപ്പെടുത്തി. ഗോവയിൽ വനം-പരിസ്ഥിതി, പഞ്ചായത്തിരാജ് മന്ത്രിയായും അദ്ദേഹം പ്രവർത്തിച്ചു.
2021 ജൂലൈയിൽ, ശ്രീ അർലേകർ ഹിമാചൽ പ്രദേശിൻ്റെ 21-ാമത്തെ ഗവർണറായി നിയമിതനായി. 2023 വരെ അദ്ദേഹം ആ പദവി വഹിച്ചു. 2023 ഫെബ്രുവരിയിൽ, ബിഹാറിൻ്റെ 30-ാമത് ഗവർണറായി അദ്ദേഹം ചുമതലയേറ്റു. ശ്രീമതി അനഘ അർലേകർ ഭാര്യ, ശ്രീമതി. അദിതി കുൽക്കർണി, ശ്രീ അമോഗ് അർലേകർ എന്നിവർ മക്കൾ.